PROXECTO DEPORTIVO DE CENTRO - DAFIS

 Esta é a plataforma de Datos de Actividade Física Saudable. Como unha liña de actuación mais no noso PDC, fixemos o curso de formación, e agora neste trimestre pasaremos a todo o noso alumnado a batería de probas.

  O fin deste traballo, non e so valorar o estado da condición física saudable, que todos os profesores o facíamos. Senón que a utilidade desta ferramenta e que todos os profesores imos pasar as mesmas probas, probas escollidas polas suas evidencias científicas na concordancia coa saúde. Do mesmo xeito tódolos datos se cargarán nunha plataforma dixital para poder sacar datos macro, e así establecer liñas de actuación. O anonimato do alumnado e os seus datos está garantizado. Faise a través do Xade, que é  a plataforma que se usa na Consellería de Educación.

  O noso PDC non para de medrar!!!

PDC PONTECESURES - ACTIVIDADES DO CONCELLO

  Dende o departamento de Educación Física, e dentro das liñas de promoción deportiva do noso Proxecto Deportivo de Centro.

ANIMÁMOSVOS A TODOS A PARTICIPAR NESTA CARREIRA!!!!!!!

A MELLOR FORMA DE COMBATER O FRÍO!!!!!

A CORRER!!!!!!!!

PDC PONTECESURES - RECREOS ACTIVOS - CHAMPIONS CESURES

CRÓNICA DO PARTIDO: 3º vs. 4º

3º: 9 - 5 :4º

 Foi un partido repleto de sustitucións por parte dos de cuarto: Ales non puido acudir ao partido; polo que foi sustituído por Iván, de 2º, quen foi o máximo goleador do partido con catro tantos. tamén foi trocado Alex Baleirón (que marcou un gol) por Lauro, pois Alex caeu e fixose dano no seu cóbado.

  Houbo una xogada moi discutida: unha man de Iván na área que o árbitro non sinaluo como penalti. Houbo outra, polo contrario, moi aclamada: un gol que salvou casi na mesma liña de meta.

  A maioría dos xogadores non estaban en condicións de xogar, pois non levaban a roupa apropiada. Mais os que si a levaban marcaron varios goles: Samuel (2), Samu (3) e Santi (3).

PDC PONTECESURES - RECREOS ACTIVOS - CHAMPIONS CESURES

     A continuación están as crónicas dos partidos disputados ata o de agora, as mesmas están elaboradas polas delegadas de prensa María Navarro e Verena Vieites.

     CRÓNICA DO PARTIDO: 3º A VS 3ºDIVER

3ºA: 12  -- 3ºDIVER: 2

*Primeiro partido de liga.

     Foi un partido no que claramente dominaron os de “A”, eso reflexouse no marcador. Non houbo a penas faltas durante todo o encontro. Coa salida de Samuel García (que foi sustituído por Fran Refojo na segunda parte), os de “A” perderon un pouco de intensidade no ataque, pero reforzaron a defensa, pois na segunda metade non encaixaron ningún gol; polo contrario, os de Diversificación defenderon peor a causa da lesión dun dos seus xogadores (Xurxo García). Non houbo expulsións.

     CRÓNICA DO PARTIDO: EQUIPO FEMENINO VS 2ºA

 EF: 2 – 2ºA: 9

 Foi un partido normal e corrente. As rapazas necesitaron axuda dun compañeiro (Samuel García) para meter os seus dous goles e máis doutro, (Samuel Castro) para intentar que o balón non pasase da liña de meta. Segundo A, rapaces futbolistas, gañaronlle ás rapazas por sete goles máis. Non había nada que facer, xa que, os rapaces dominaban o fútbol e as rapazas o baloncesto. Antía Sanmarco, a titular do equipo, case mete un gol. María Navarro, a pesar de que non tiña roupa apropiada para xogar, quedou de porteira e parou outro. Por outra parte, Jacobo, porteiro/xogador de segundo, púxose a celebrar un gol que meteran nese momento os do seu equipo, e mentres, Samuel García, o xogador de terceiro, tirou desde medio campo e meteu. 

     CRÓNICA DO PARTIDO: 3º ESO VS 1ºA

3º ESO:14- 1ºA:1

     Foi un partido moi interesante. Os de terceiro ganaronlles por 13 goles máis aos de primeiro. Neste partido, de terceiro meteron Samuel García (6 goles) , Samuel Castro (4 goles), Santi Gándara (3 goles) e Daniel Olivera (1 gol). Mentres paraban o balón, Samuel García aprobeitaba para comer sen que o árbitro o amonestara. O único gol de primeiro meteuno Jose Castaño. Rabia dende as bancadas cara aos de 3º de ESO.

     CRÓNICA DO PARTIDO: 4ºESO Vs 1ºA

4º ESO:3-1ºA:0

     Foi un partido no que houbo moitas ocasións, na primeira parte so unha acabou pasando a liña de meta. Na 2ª houbo menos ocasións pero 4º soupo aproveitar as poucas que tivo metendo dous goles. No partido tivo lugar un enfrentamento entre os irmáns Santamaría López, o seu comportamento foi deportivo.

Varios xogadores de 4º estaban  nunhas condicións físicas moi discutibles.

     CRÓNICA DO PARTIDO: EF VS 1ºA

 EF: 5 – 1ºA: 6

     Partido moi entretido. O equipo feminino empezou con moi bo pé (ao longo do partido necesitaron  a axuda de Samuel García, Misael e Lorenzo, aínda que o que máis estivo no campo foi Samuel). Tiveron moi boa defensa e ataque. Os goles foron: 2 de Samuel, 2 de Antía Sanmaro e 1 de María. Esther quedou de porteira durante casi todo o partido e parou moitísimos goles. Sofía parou un gol na segunda parte. Verena, que estaba de defensa, parou tres goles. A xente de 3º festexaba os goles do equipo feminino, e nas gradas, os de 1º festexaban os de 1ºA. Na segunda parte, o equipo feminino ía remontando, pero no último segundo antes de que o árbitro pitara o final do partido, Jose Castaño, xogador de primeiro,  meteu un gol dende medio campo. De 1º A meteron: 2 goles Uziel, 2 Lois, 1 Álvaro e 1 Jose Castaño. Estes gañaron por ese gol no último segundo. Para ser rapazas, as do equipo feminino xogaron moi ben. 

ANDAINA SOLIDARIA - PONTECESURES

    Como liña de promoción deportiva dentro do Proxecto Deportivo de Centro, informámosvos dunha nova actividade dentro do Concello.

     Pontecesures acollerá o vindeiro 30 de novembro unha nova edición da Andaina Solidaria. A iniciativa, impulsada polo Concello de Pontecesures, a Fundación Amigos de Galicia e o programa Galicia Saudable da Xunta de Galicia, conta tamén coa colaboración de Finsa e Alisal. Nesta ocasión, faise coincidir coa recollida de alimentos a nivel nacional para loitar contra a fame.

     A andaina, de dificultade baixa, partirá ás 10:00 horas da Plazuela e recorrerá oito kilómetros polo casco urbano e arredores,chegando a Infesta, Porto, Condide e San Xulián. Non será necesaria inscrición. Para participar o único requisito é a entrega á organización de alimentos non perecedeiros, e a cambio os participantes recibirán unha camiseta de agasallo.

     Todos os alimentos reunidos serán entregados á Fundación Amigos de Galicia. Tamén se poden entregar estes alimentos durante a semana na Casa do Concello e nos establecementos locais adheridos á campaña.

Desde a organización do acto tamén se fai unha chamada a todos aqueles que queiran colaborar nesta actividade. Poden axudar de moitos xeitos: como voluntarios e mesmo organizando un grupo de voluntarios con amigos e/ou familiares e tamén difundindo esta mensaxe entre os coñecidos para crear unha cadea solidaria que permita chegar a moita máis xente.

    ANIMÁDEVOS A PARTICIPAR!!!

PROXECTO DEPORTIVO DE CENTRO

   O P.D.C. de Pontecesures acaba de ser recoñecido como un dos mellores da nosa comunidade autónoma, pola sua aportación a vida activa do alumnado e da comunidade educativa, así coma pola súa innovación educativa.

   Dende aquí informamos de dito feito para animarvos a todos; alumnos, profesores, e ao resto da comunidade educativa a seguir participando nel. Para que no futuro todos sexamos xente sana, que se alimenta ben, que fai exercicio físico e que non ten malos hábitos.

   Este é un proxecto aberto, que está en continuo movemento, todos temos moito que aportar. Anímovos a seguir participando nel.

   CO TEMPO TEMOS QUE ADELGAZAR UN POUCO A CESURÍN, A NOSA MASCOTA!!!, JAJAJAJAJAA!!!!!!

CONDICIÓN FÍSICA E SAÚDE

   Tal e como temos falado na clase en multitude de ocasións, para levar unha vida sana temos que respetar os tres pilares da saúde. A saber: facer exercicio físico, alimentarse correctamente e non ter malos hábitos.

   Respecto a este último pilar, os malos hábitos. Deixovos aquí este vídeo para que reflexionedes e fagades reflexionar, a tódalas persoas que queredes, e que por desgracia son fumadores.

  http://www.youtube.com/watch?v=_l-gyBr-tAk