ACTIVIDADE DIDÁCTICA DEPORTES DE INVERNO - ESQUÍ

   Un ano mais unha das actividades do noso proxecto deportivo de centro lévase a cabo. Mañá Sábado 31 de Xaneiro sairemos 43 alumnos e mailos profesores rumbo a Andorra. Actividade compartida dende hai cinco anos co CPI de Barrantes. Ámbolos dous centro cun traballo cheo de boas sinerxias facemos que os escolares que están rematando a ESO teñan a oportunidade de coñecer e vivenciar os deportes de inverno. E saber o que é a vida durante unha semana na alta montaña.

   Sen mais vos emprazamos a volta, onde colgaremos fotos da actividade e a memoria de power point que os propios alumnos elaboran..., coa música cañera que mais lle gusta!!!!!!

    ALA IMOS!!!!!!!!!!!

PROXECTO DEPORTIVO DE CENTRO - PRIMEIRO TRIMESTRE

   Bueno rapaces, chegados a este momento, e coas vacacións de nadal a volta da esquina, imos recapitular...


    Puxemos o proxecto deportivo en marcha, por cuarto ano consecutivo. E dentro das actuacións xa desenvolvidas están:
    - Nomeamento dos delegados deportivos de cada grupo. Reunión de traballo con eles e acordos de organización de espacios e préstamo de material de cara aos tempos de lecer.
    - Posta en marcha da competición mixta de fútbol sala. Champion Cesures. Estase a celebrar no pavillón nos dous recreos dos Martes.
    - Sesións de actividades na natureza no río Ulla. Actividade náutica - piragüismo. Dúas sesións no mes de Outubro, para primeiro e segundo de ESO.
     - Xa está en marcha tamén a actividade didáctica deportes de inverno - esquí. Farémola como estes últimos anos en colaboración co CPI de Barrantes. O día 30 de Xaneiro iniciaremos viaxe cara a Andorra...
    - Por terceiro curso consecutivo pasamos a plataforma DAFIS, este curso os alumnos de cuarto de ESO, que xa se van do centro, levarán impreso o seu informe individual co seu global, e histórico de datos. Están moi satisfeitos e ilusionados con este traballo. Ao resto do alumnado, coma sempre, lle fixemos unha titoría individual para analizar os seus datos e traballar sobor dos tres pilares da súa condición física. A saber: dieta equilibrada, exercicio físico e evitar os malos hábitos. Este traballo vertebra a programación de toda a asignatura, e así mesmo de todo o proxecto deportivo de centro.
     - Por último estamos a reelaborar o mapa deportivo de centro coas novas actividades incorporadas ao catálogo xa existente. De cara o segundo trimestre repartiremos de novo o díptico informativo con mapa deportivo ao alumnado sedentario ou pouco activo do centro.



  RECORDADE!!!, NO NADAL!!!, ALGO DE FESTA!!!, PERO VIDA SANA!!!

  AQUÍ TEDES UNHA BOA OPORTUNIDADE NO POBO PARA PARTICIPAR NUN EVENTO DEPORTIVO MOI RECOMENDABLE!!!!!!!







 FELICES FESTAS!!!!!!

 ATA O 2016!!!!!

PDC - ACTIVIDADE NÁUTICA - PIRAGÜISMO - OCT 15

   Ola a todos!!!, co outono xa entrado e despois de ter disfrutado de mais dun mes de clases de Educación Física. Espero que todos estemos a facer unha vida sana!!!. BOA ALIMENTACIÓN, EXERCICIO FÍSICO E NADA DE MALOS HÁBITOS!!!

   Aquí unha mostra de vida sana e exercicio físico na natureza dos compañeiros de 1º e 2º de ESO. Tivemos sorte e a climatoloxía acompañou...

   Recordade que na primaveira teremos outras duas sesións no río Ulla desta enriquecedora unidade didáctica.

   Gracias ao clube náutico de Pontecesures por formar parte do noso proxecto deportivo de centro e por seguir colaborando con nos en prol duns hábitos de vida mais saudables para tódolos rapaces.

PROXECTO DEPORTIVO DE CENTRO DE PONTECESURES

   Xa avisamos de que non íamos parar de movernos e de levar unha vida activa!!!

   Aquí estamos!!!!!!!!

   Informámosvos das liñas de traballo que estamos a seguir...

   Xa fixemos as dúas primeiras sesións da actividade náutica-piragüismo, no río Ulla. Faixe como en cursos anteriores en colaboración co clube náutico de Pontecesures. Na primaveira faremos outras dúas sesións desta unidade didáctica correspondente as actividades na natureza. Faremos unha entrada a parte neste blog, para que poidades ver as fotos da mesma.

   Temos en marcha tamén a actividade didáctica deportes de inverno-esquí. Como tódolos cursos traballamos conxuntamente co c.p.i. Julia Becerra Malvar, deste xeito entre os dous centros xuntamos alumnos suficientes para encher un autobús e que así o precio sexa razoable. Temos o proxecto da actividade a disposición da comunidade educativa. Dende hoxe os alumnos participantes xa teñen as rifas co galo de recaudar fondos para a mesma!!!

   Tamén temos nomeados tódolos delegados deportivos, co cal os recreos activos xa están en marcha... espacios e material repartido en base aos acordos tomados polos propios delegados na reunión celebrada a finais do mes pasado. Dentro deste eido dos recreos activos xa están traballando na organización da champios de cesures..., manterémosvos informados.

  Por último, estamos a traballar na revisión do mapa deportivo de pontecesures para facer os cambios que sexan oportunos...

  Como boas novas temos dúas:

  Despois da desagradable situación vivida a finais de Setembro, a que facíamos referencia na entrada anterior. Salientar que dende esa misma semana contamos cunha solución provisional que nos permite desenvolver o proceso de ensinanaza-aprendizaxe nunhas condicións lumínicas aceptables.

   E por outra banda, un novo recoñecemento ao noso proxecto deportivo de centro. Esta vez a revista EDUGA, ven de publicar no seu último número un artigo no apartado de innovación educativa no que fala do noso proxecto. Este é o link: http://www.edu.xunta.es/eduga/828/plan-proxecta/proxecto-deportivo-centro


   Esto ten que animarnos a seguir facendo de toda a nosa comunidade educativa unha comunidade mais ACTIVA!!!!!, POLO TANTO MAIS SANA!!!!!

MALAS NOVAS

   Este comezo de curso non foi o agradable que todos quixeramos para o departamento de Educación Física.

   O motivo é o seguinte: no transcuro do primeiro trimestre do curso pasado levouse a cabo un cambio das luminarias do ximnasio, ( a nosa única aula de traballo), para lograr un maior aforro enerxético. Ata eiquí todo ben. Pero esas novas luminarias fallaron dende o primeiro día, unhas sen alumear nada, e outras parpadeando. O que facía que o proceso de ensinanza-aprendizaxe non reuníse as condicións mínimas..., incluso asumindo riscos para a visión de todos.

   Tívose moita paciencia co representante do concello no consello escolar, pedindo por activa e por pasiva, unha solución. Esta non chegou...

   Este curso comezaba na mesma situación..., e ante a ineficacia na resolución do problema, e a falta de solucións. O departamento de Educación Física viuse na obriga de proporlle a dirección do centro o peche do ximnasio para todo tipo de actividades. A dirección así o propuso no consello escolar do día 29 de Setembro. E nesas estamos...

   Parece que onte comezou o principio dunha solución provisional...

   En fín, moi triste e moi doloroso ter que chegar a esta situación despois de casi un ano esperando...

   SAUDOS A TODOS E SEGUIREMOS ADIANTE CO NOSO PROXECTO DEPORTIVO DE CENTRO!!!!!, PARA MELLORAR O NOSO ESTILO DE VIDA!!!!!!!!!!

   NON O DUBIDEDES!!!

FOTOS PREMIADOS ALUMNO INTEGRAL 2015

    Que mellor despedida para este curso académico e para o terceiro ano do proxecto deportivo de centro, que as fotos dos nosos alumnos integrais!!!!!!!!!

    Rapaces!!!!!, pasade un bo verán!!!!, e facede unha vida activa!!!!!!!!!!!!

ENTREGA PREMIO ALUMNO INTEGRAL 2015

     No día de onte os seguintes alumnos recibiron os agasallos correspondentes ao Premio Alumno Integral 2015. Contía de arredor de 60 euros para os primeiros clasificados e de 40 euros para os segundos.

   No primeiro ciclo os primeiros clasificados foron Xiana Magariños e Manuel Castrelo. Recibiron dúas raquetas de bádminton, un bote de voantes, un balón de volei playa, un libro de lingua galega (escollido expresamente para eles polo profesor) e un polo serigrafiado do concello coa reseña do premioa ao alumno integral 2015.

   No segundo ciclo os primeiros clasificados foron María Navarro e Xenxo Santiago. Recibiron os mesmos agasallos, pero o libro de lectura é de lingua castelá (escollido expresamente para eles pola profesora)

   No primeiro ciclo os segundos clasificados foron Lucía Pardal e Ángel Barral. Recibiron un balón de baloncesto, un compás profesional "para non perder o norte", un colchoneta de ximnasio para usar na casa, un libro de lingua galega (escollido expresamente para eles polo profesor) e un polo serigrafiado do concello coa reseña do premio ao alumno integral 2015.

   No segundo ciclo os segundos clasificados foron Candela Lafuente e Samuel Castro. Recibiron os mesmos agasallos, pero o libro de lectura é de lingua castelá (escollido expresamente para eles pola profesora).

    NORABOA A TODOS!!!